மீண்டும் வருகிறது ஆனந்தம் 2

2001ம் ஆண்டு வெளிவந்த படம் ஆனந்தம். லிங்குசாமி டைரக்ட் செய்த முதல்படம். மம்முட்டி, முரளி, அப்பாஸ், தேவயானி, ரம்பா, சினேகா நடித்திருந்தனர். எஸ்.ஏ.ராஜ்குமார் இசை அமைத்திருந்தார். ஒற்றுமையாக இருக்கும் உடன்பிறந்த சகோதார்களிடையே மனைவிகளால் வரும் பிரச்னையும், செண்டிமெண்டும் தான் படம். இதில் சகோதரர்கள் நடத்தும் கடையின் பெயர் திருப்பதி பிரதர்ஸ். இதனையே லிங்குசாமி தனது தயாரிப்பு நிறுவனத்தின் பெயர் ஆக்கினார்.

இப்போது ஜெய் ஆகாஷ் என்ற நடிகர் ஆனந்தம் படத்தின் 2ம் பாகத்தை ஆனந்தம் ஆரம்பம் என்ற பெயரில் டைரக்ட் செய்து வருவதாக கூறுகிறார். இதில் நண்பர்களுக்கு திருமணம் நடக்கிறதாம். அவர்கள் மனைவியுடன் கொண்ட கருத்து வேறுபாட்டால் கோபித்துக் கொண்டு கோவாவுக்கு சென்று விடுவார்களாம். அங்கு மூன்று அழகிகள் இவர்களை காதலிப்பார்களாம். இதை கேள்விப்பட்ட மனைவிகள் கோவாவுக்கு சென்று கணவர்களுக்கு புத்திமதி சொல்லி அழைத்து வருவார்களாம், இதுதான் படத்தோட கதையாம். இது ஆனந்தம் படத்தின் 2ம் பாகம் என்கிறார் ஜெய் ஆகாஷ். இதற்கு அவர் லிங்குசாமியிடமோ, அல்லது தயாரிப்பாளர் ஆர்.பி.சவுத்ரியிடமோ அனுமதி பெற்றாரா என்று தெரியவில்லை.

ஆனந்தம் ஆரம்பம் படத்தில் ஜெய் ஆகாசுடன் ஏஞ்சல் சிங், ஜியா கான், அலக்கியா, மான்சி, ரம்யா என 5 ஹீரோயின்கள் நடிக்கிறார்கள். சுமன் மியூசிக், தேவராஜ் கேமராமேன்.
5 ஹீரோயின்கள், கோவாவில் நடக்கும் கதை ஏதோ பிளான் பண்ணித்தான் படத்தை டைரக்ட் செய்கிறார் ஜெய் ஆகாஷ்.