விஜயுடன் நடனம் ஆடத் தயக்கமாக உள்ளது

விஜய், நன்றாக நடனம் ஆடக் கூடியவர் என்பது, அனைவருக்கும் தெரிந்த விஷயம் தான். இந்நிலையில், தற்போது அவர், மோகன் லாலுடன் நடித்து வரும் படத்தில், 'தளபதி'யில், ரஜினியும், மம்மூட்டியும் ஆடிப்பாடிய, 'காட்டுக் குயிலு'போன்ற, ஒரு நடன காட்சி இடம் பெற்றுள்ளதாம். இதில், மோகன் லாலும், விஜயும், இணைந்து கலக்கியுள்ளனர். இதற்கான, படப் பிடிப்பு துவங்குவதற்கு முன், விஜயுடன் நடனமாட, ரொம்பவே தயங்கினாராம், மோகன் லால். 'ஆக் ஷன் காட்சிகளில் வெளுத்து கட்டி விடுவேன். ஆனால், நடன காட்சி தான், நமக்கு டிரில் வாங்கும். அதிலும், விஜயுடன் ஆடத் தயக்கமாக உள்ளது' என்றாராம். பின், அரைகுறை மனதுடன், களமிறங்கி, நடன காட்சியில், பின்னி எடுத்து விட்டாராம், மோகன் லால்.